Ерөнхий шүүгч Д.Ганзориг Люксембургийн Их Гүнт Улсын Дээд шүүхийн Ерөнхийлөгч Тиерри Хошейт-тэй уулзав.
Монгол Улсын дээд шүүхийн Ерөнхий шүүгч Д.Ганзориг тэргүүтэй төлөөлөгчид Люксембургийн Их Гүнт Улсын Дээд шүүхийн Ерөнхийлөгч бөгөөд тус улсын Үндсэн хуулийн шүүхийн Ерөнхийлөгч Тиерри Хошейт-тэй 2025 оны 3 дугаар сарын 18-ны өдөр уулзав. Уулзалтад Элчин сайд Л.Болд, Монгол Улсын Дээд шүүхийн Эрүүгийн хэргийн танхимын тэргүүн Ч.Хосбаяр, УДШ-ийн шүүгч Д.Цолмон, Н.Баярмаа, Шүүхийн сургалт, судалгаа, мэдээллийн академийн захирал Д.Эрдэнэчимэг, УДШ-ийн Гадаад харилцааны албаны референт З.Гэрэлмаа нар оролцов.
Уулзалтаар Ерөнхийлөгч Тиерри Хошейт болон тус улсын Шүүхийн Ерөнхий зөвлөлийн Ерөнхий нарийн бичгийн дарга Нэнси Кариер нар тус улсын эрх зүйн болон шүүхийн байгууллагуудын тогтолцоо, тус тусын чиг үүрэг, үйл ажиллагааны талаар танилцуулга хийв. Талууд харилцан санал, мэдээлэл солилцож, манай төлөөлөгчид тус Дээд шүүх болон Үндсэн хуулийн шүүхийн ордон, шүүх хурлын танхимуудтай танилцав.
Уулзалтын үр дүнд талууд харилцан мэдээ, мэдээлэл солилцох замаар цаашдын хамтын ажиллагааг эхлүүлэх боломжтойг тэмдэглэв.