Монгол Улсын Дээд шүүхийн Ерөнхий шүүгч Д.Ганзориг тэргүүтэй Дээд шүүхийн төлөөлөгчид Нидерландын Хаант Улсын Гааг хотноо ажиллав

Монгол Улсын Дээд шүүхийн Ерөнхий шүүгч Д.Ганзориг тэргүүтэй Дээд шүүхийн төлөөлөгчид Нидерландын Хаант Улсын  Гааг хотноо Олон Улсын Арбиртын Байнгын Шүүхийн Ерөнхий нарийн бичгийн дарга, доктор Марчин Чепелактай 2025 оны 3 дугаар сарын 13-ны өдөр Энхтайвны ордонд уулзлаа.

Уулзалтаар Монгол Улсын Дээд Шүүх, Олон улсын Арбитрын байнгын шүүхийн хооронд хамтын ажиллагааг хөгжүүлэх боломжуудын талаар ярилцлаа.  Төлөөлөгчид 1899 онд байгуулагдсан олон улсын хууль эрх зүйн маргаан шийдвэрлэх хамгийн ууган байгууллага болох тус шүүхийн үйл ажиллагаатай танилцлаа.

Олон улсын Арбитрын байнгын шүүхийн Ерөнхий нарийн бичгийн дарга М.Чепелак Монгол Улсын шүүгч нар, шүүхийн байгууллагын ажилтнуудад олон улсын арбитрын шүүхийн үйл ажиллагаа, хэрэг шийдвэрлэлтийн талаар бүсийн семинар, бага хурал  хийх санал тавьж, Монгол Улсын Дээд шүүхийн үйл ажиллагаанд цаашид дэмжлэг үзүүлж, хамтран ажиллахаар тохирлоо.

Уулзалтад Нидерландын Хаант Улсад хавсран суугаа Элчин  сайд Л.Болд болон УДШ-ийн Эрүүгийн хэргийн танхимын тэргүүн Ч.Хосбаяр, УДШ-ийн шүүгч Д.Цолмон, Б.Батцэрэн, Н.Баярмаа, Шүүхийн сургалт, судалгаа, мэдээллийн академийн захирал Д.Эрдэнэчимэг нар оролцов.