Монгол Улсын Дээд шүүхийн Ерөнхий шүүгч Д.Ганзориг тэргүүтэй төлөөлөгчид Бенилюксийн орнуудад ажиллаж байна.

Төлөөлөгчид Нидерландын Хаант Улсын Гаагийн Олон улсын эрхзүйн академийн  Ерөнхий нарийн бичгийн дарга, профессор Жaн-Марк Тувенинтай 2025 оны 3 дугаар сарын 14-ний өдөр уулзав. Уулзалтаар хамтын ажиллагааны өргөн хүрээний асуудлаар санал солилцож, тус академитай хамтран олон улсын эрх зүйн чиглэлээр Монгол улсын хуульчдад зориулсан сургалтын төсөл хэрэгжүүлэхээр тогтов.

Уулзалтад Нидерландын Хаант Улсад хавсран суугаа Элчин сайд Л.Болд болон УДШ-ийн Эрүүгийн хэргийн танхимын тэргүүн Ч.Хосбаяр, УДШ-ийн шүүгч Д.Цолмон, Б.Батцэрэн, Н.Баярмаа, Шүүхийн сургалт, судалгаа, мэдээллийн академийн захирал Д.Эрдэнэчимэг нар оролцов.