Аюулгүй байдал, батлан хамгаалах салбарын олон улсын үзэсгэлэн нээлтээ хийв.

Элчин сайд Л.Болд 2024 оны 11 сарын 21-ний өдөр Нидерланд улсын Роттердам хотод Ahoy Олон улсын форумд зохион байгуулагдсан Аюулгүй байдал, батлан хамгаалах салбарын олон улсын үзэсгэлэнгийн нээлтэд оролцов. "NEDS" нэртэй тус үзэсгэлэн энэ жил 35 дахь удаагаа зохион байгуулагдаж салбартаа тэргүүлэгч 200 гаруй байгууллагын төлөөлөл оролцож байгаа аж. Элчин сайд энэ арга хэмжээний үеэр Нидерланд улсын төр, засгийн төлөөлөлтэй уулзаж, мөн тус улсын өндөр технологийн компаниудын үйл ажиллагаатай танилцаж Монгол улстай хамтын ажиллагааг өргөжүүлэх талаар санал солилцов.