ОЛОН УЛСЫН ЭРҮҮГИЙН ШҮҮХИЙН ЕРӨНХИЙЛӨГЧ, ШҮҮГЧ П.ХОФМАНСКИТЭЙ УУЛЗАВ

Гадаад харилцааны яамны Олон улсын гэрээ, эрх зүйн газрын захирал С.Сүхболд Олон улсын эрүүгийн шүүхийн Ерөнхийлөгч, шүүгч Петр Хофманскитэй Нидерландын Гааг хотноо энэ 12 дугаар сарын 9-ний өдөр уулзав.

Энэхүү уулзалтын үеэр Монгол Улсын Дээд Шүүхийн Ерөнхий шүүгч Д.Ганзоригын урилгыг гардуулж, ОУЭШ-ийн Ромын дүрмийг сурталчлан таниулах бүс нутгийн семинарыг хамтран зохион байгуулах, цаашид хэрэгжүүлэх арга хэмжээний талаар санал солилцов.