Бельгийн Мальмеди хотноо уламжлалт аварга омлетийн баяр наадам болж өнгөрлөө.

Элчин Сайд Л.Болд 2025 оны 8 дугаар сарын 15-нд Бельгийн Валлонийн бүсийн Мальмеди хотод уламжлалт Аварга омлетийн баярт оролцлоо. (Omelette Géante) Энэхүү арга хэмжээ нь жил бүрийн энэ өдөр зохион байгуулагддаг бөгөөд нутгийн иргэд, жуулчдыг нэг дор цуглуулдаг онцгой уламжлал юм. Энэ жил ч мөн адил 10,000 өндөг ашиглан 4 метр диаметртэй асар том омлетийг бэлтгэн, 5000 гаруй зочдыг дайллаа. Тус баярын үеэр уламжлал ёсоор “Chevalier d’Honneur” хэмээх нэр хүндтэй өргөмжлөлийг гардуулсан. Энэ жил уг өргөмжлөлийг: Монгол Улсаас Бельгийн Хаант улсад суугаа Элчин сайд Л. Болд болон Бельгийн цагдаагийн байгууллагын дарга,Нэр алдартай Michelin одтой Бельгийн тогооч, Германы нэрт эмч нар хүртжээ. Өргөмжлөлийг тус наадмыг зохион байгуулагч "Confrérie Mondiale de l’Omelette Géante de Malmedy" Холбооноос гардуулсан бөгөөд энэ нь тус орон нутгийн нэр хүндтэй түүхэн уламжлалыг алдаршуулахаас гадна олон улсын найрамдал, соёлын харилцааг илэрхийлсэн билэг тэмдэг юм. Мальмеди хотын иргэдийн сагаачлагаар дэлхийн хамгийн томд тооцогдох аварга омлетийн баяр нь 1973 онд үүссэн бөгөөд өнөөг хүртэл жил бүрийн 8 дугаар сарын 15-нд тасралтгүй зохион байгуулагдсаар иржээ. Омлетийг бэлтгэхэд нутгийн иргэд, сайн дурынхан хамтран оролцож, аялал жуулчлалын онцгой үйл явдал болон өргөжин хөгжсөн нь тус хотод жил бүр зохиогддог автомашины Формула 1 "Spa Francorchamps" дэлхийн аварга шалгаруулах тэмцээний зэрэгцээ тус хотын нэрийн хуудас болсонороо ач холбогдолтой болсон байна.