БЕЛЬГИЙН СОЁЛЫН БАЙГУУЛЛАГАТАЙ УУЛЗАВ

Элчин сайд Л.Болд 2023 оны 6 дугаар сарын 29-ний өдөр Бельгийн Сейнт Люк соёл, урлагийн дээд сургуулийн захирал болон Гадаад харилцааны асуудал хариуцсан албаны төлөөлөлтэй уулзав.

Уулзалтаар тус байгууллагын үйл ажиллагаатай танилцахаас гадна гэрээний үндсэн дээр хоёр талын соёл, урлагийн дээд сургуулийн багш нарыг харилцан солилцох хөтөлбөр хэрэгжүүлэх боломжийн талаар санал солилцов. Уулзалтад Монгол Улсаас Бельгийн Хаант Улсад суугаа Өргөмжит консул Пол Ван Воүв оролцов.